શ્રી જે.પી . પ્રાથમિક શાળા

શ્રી વેરાવળ એજ્યુકેશન સોસાયટી સંચાલિત શ્રી જે.પી. પ્રાથમિક શાળાનો જન્મ સ્વતંત્ર ભારતના છઠ્ઠા " પ્રજાસતાક દિન " "૨૬ મી જાન્યુઆરીના ૧૯૫૫ ના રોજ વેરાવળ શહેરના જાગૃત પ્રગતિશીલ અને શિક્ષણ પ્રેમી વડીલોએ સેવેલ સ્વપ્નમૂર્ત સ્વરૂપ પામ્યું . વેરાવળ એજ્યુકેશન સોસાયટી ના નામથી બાલમંદિર તથા જમનાદાસ પ્રેમજી શાહ કે જે જે.પી . પ્રાથમિક શાળા ના શિક્ષણ ની શરૂઆત થઈ નાનકડા જમીન માં ભવનથી સંસ્થા નું પોતાનું મકાન બન્યું. અને આજે વટવૃક્ષ જેવું સંપૂર્ણ સંકુલ ૧૦ (દસ) બ્રાન્ચ મા ફેલાયેલું છે. તે વેરાવળ ની જનતા માટે ગૌરવ અને આનંદ ની વાત છે તે છેલ્લા ૬૯ વર્ષોથી એક જવાબદાર સમાજનું નિર્માણ કરી રહી છે.

હું આ સંસ્થા માં સને ૧૯૮૮ ની સતરમી સપ્ટેમ્બર થી હું મારી શિક્ષક તરીકે ની ફરજ બજાવું છું . અને સન ૨૦૧૩ ની દસ જૂનથી પ્રિન્સીપાલ ની બાગડોર સંભાળેલી છે. જે આ સંસ્થા ને આભારી છે.

શિક્ષક ને શિક્ષક હોવાનું ગૌરવ છે. કારણ કે તેનુ કાર્ય મંદિરના સર્જક એવા ઘડવૈયા જેવું છે. ૧૯૮૮ થી લઈ ૨૦૨૪ સુધી ના છત્રીસ વર્ષાના સમયમાં સંચાલક મંડળ સ્ટાફમિત્રો અને વાલીઓના સહકારથી ઘણી બાબતો શીખવા મળી. અને બહુવિધ ભૂમિકાઓમાં મારી ફરજો નિભાવી છે.

વિદ્યાર્થીઓના ઉત્કૃષ્ટ અને અદ્દભુત પરિણામ પ્રાપ્ત કરવામાં સંચાલકો ની દીર્ધ દેષ્ટિ તેમજ સ્ટાફ ના સહકાર થી બધું જ શક્ય બન્યું છે. આ સંસ્થા ઉત્તરોતર પ્રગતિ ના શિખરો પાર કરે અને દેશવિદેશ માં પોતાના વિદ્યાર્થીઓ નો સર્વાંગી વિકાસ થાય અને તેમાં ઉત્તરોત્તર વધારો થાય તેવી શ્રી સોમનાથ મહાદેવ ને અંતરની પ્રાર્થના સાથે ફરી એક વખત સર્વનો આભાર વ્યક્ત કરું છું .

આચાર્ય શ્રી કુસુમબેન.વી. સવનિયા, શ્રી. જે. પી. પ્રાથમિક શાળા. વેરાવળ