શ્રીમતી મણિબેન કોટક હાઇસ્કૂલ

શિક્ષણએ જીવનનું અભિનન્ન અંગ છે. શાળામાં પ્રવેશતું દરેક બાળકએ સુષુપ્તશકિતનો ભંડાર છે તેની જિજ્ઞાસાને સંતોષીને તેની આવડતોને યોગ્ય દિશા આપવામાં આવે તો તે અસીમ સફળતાને પ્રાપ્ત કરી શકે છે તેવો મારો પોતાનો છેલ્લા બે દાયકાઓથી વધારે સમયનો જાત અનુભવ છે. કારણ કે આ શાળાનાં બાળકોએ રમત-ગમત , યોગા, નીબંધલેખન, વક્રતૃત્વ,કાવ્યલેખન, સાયન્સફેર, ઇકોકલબ, શ્રીમદ ભગવતગીતાનાં શ્લોકગાથા, સ્વામી વિવેકાનંદ વિષયની કિવઝ સ્પર્ધા, પ્રખરતા શોધ, કલા મહોત્સવ જેવી ઇતરપ્રવૃતિઓમાં જિલ્લા તથા રાજયકક્ષાએ સિધ્ધિઓ મેળવીને શાળાનું તથા વેરાવળ શહેરનું નામ રોશન કર્યુ છે.

આ શાળા વર્ષોથી બાળકોનાં સર્વાંગી વિકાસનાં ધ્યેયને વરેલી છે. બાળક સંવેદનશીલ બને ગૌરવ પ્રાપ્ત કરી શકે તવો જ્ઞાની બને અને દરેક પ્રકારની આવડત તેને હસ્તગત થાય તેવી શુભ ભાવનાની આ વિકાસયાત્રામાં વેરાવળ શહેરનાં જાગૃત નાગરિકોનો અમારા પરનો વિશ્વાસ તેમજ સાથ-સહકાર અમારા માટે પ્રેરણારૂપ બની કાયમને માટે ચિંતનશીલ બનીને બાળકોનાં ઉજજવળ ભવિષ્યની કામના સાથે કામ કરવા માટે પ્રેરકબળ સમાન બની રહયા છે.

દરેક બાળક એ આવતીકાલનો સુશિક્ષિત નાગરિક બને તે માટે ભણતરની સાથે ગણતર પણ જરૂરી છે. બાળકનાં ભવિષ્યનું ચણતર અને દ્રઢ સંસ્કારોનાં ઘડતરની સાથે સાથે તમારા સ્વપ્તોને સાકર કરવા માટે અમે સદૈવ કટિબધ્ધ રહીશું.